Sunday, September 25, 2016

ජීවිතේට ඕනෙලූ ඔයා ළග හිනැහෙන්න


ජීවිතේට  ඕනෙලූ

ඔයා ළග හිනැහෙන්න


ජීවිතේට  ඕනෙලූ
ඔයා ළග හිනැහෙන්න
මතකයේ පිටු අතර
රෝස පෙති අලවන්න
හිත් කොනක් කොනිත්තන්
පොඞ්ඩක් තරහවෙන්න
ආදරෙන් ආයෙමත්
උණුසුමේ ගුලිවෙන්න
ජීවිතේ තනුවත් පදවැලත්
ඔබවෙන්න
පේ‍්‍රමයේ සිතාරයන්
සංගීතය දෙන්න
අහස දෙස බලාගෙන
මන්දාකිණියෙ කෙළවර හොයන්න
පිච්ච මල් අතුරල
ඉරට පාරක් හදන්න
පාර පේන් නැත්තන්
කණාමැදිරියන්ට අපි එක්ක
එන්න කියන්න
මැක්ඩොනල්ඞ් එකට ගිහින්
බොම්බයිමොටයි කන්න
මගෙ ඩයරිය පීරල
ඔයාගෙ නමත්
තැනින් තැන ලියන්න
ආයෙ හම්බෙන දවසට
ඒ පුරුදු ගස් සෙවණට
ආදරේ අරගෙන එන්න

(රිවිහාර පින්නදුව)


Saturday, September 24, 2016

කේසර සිංහයා නොවෙමි


කේසර සිංහයා නොවෙමි


කේසර සිංහයා නොවෙමි
කොඩියක ළෙලෙන
වනයක හඩ දෙන
සිංහයෝ වන්නෙමු අපි
කොල්ලූපිටියේ වේලෙන
මුහුදු රළ පිස නැගෙන
ලූණු රහයි ජීවිතේ
ඒකත් සතුටක් අපිට
මෙලෝ රහක් නැති
මිනිස් ජීවිත අතර
දිවා රෑ නියොන් එළි අද්දර
නිළංකාර දෑස් රිද්දන
ගද ගගහ කුණුවෙන නගරෙක
ආයෙ අපි මොනව කරන්නද ලස්සන
තුන්තිස් පැයේ නිදි නැතිව
නැගෙන වාහන හඩ
තවත් දහසක් ඝෝෂා මැද
තිබුණ හද කීරි ගැහෙනා නිහඩ බව
උන් ඇවිත් හඩනගා
බිදදමන සද
විකුණන්න එපා මොරදුන්නට
තේරේවිද මේ ටවුමට
විකිණීමම ස්වර්ගයද නිවනද වූ කල
තවත් සිය දහසක් ඇහැරවන්නට
ගිගුම් දුන් දසදහසක් හඩවල්
දුම් වලා මැද කදුළු
සිනහ නැගුනා සිංහ මුවගට
සිමෙන්තියෙන් සැදුණු බව අමතකව
වෙර දැරුව පාද සොලවන්න
කඩා පනිනට බැරියර් මතට
ආයෙ එනවැයි සපථ කොට
උන් ගියා සමුගෙන
ඉතිං නූඹලා කවදාද ආයෙ එන්නෙ
අපි ඉන්නෙ බලාගෙන
මියැදුණු හංදියක
මොහොතකට ජීවත් වෙන්න
සිංහයෝ අපි
කොල්ලූපිටියේ වේලෙන

(රිවිහාර පින්නදුව)



Thursday, September 22, 2016


නිල් අහස් තලේ අගේ

වැට් හින්ද වැඩි වෙලා


හෝඩි පොතෙ අකුරු ගලවා
විකුණන්නෙ සිල්ලරට
”අ” යන්නේ අම්මා මෙච්චරයි
”ආ” යන්නෙන් ආච්චි
අඩු කළා මේ උත්සව සමයට
අකුරු දෙකක් ගත්තොත්
එකක් දෙනවා නිකන්
පමා නොවන්න
මහත්වරුනි තොග සීමිතයි
සාමා අමර සල් ගසත් එක්කම
පැකේජ් එක වාසියි
තව කීයක් හරි දුන්නොත්
නයනවත් ගතහැකි
නිල් අහස් තලේ අගේ
වැට් හින්ද වැඩි වෙලා
පළවෙනිද ඉදන්
කෝම්පිට්ටු මිළ ඉහළට
පහසු ගෙවීමේ ක‍්‍රමයට
අපෙන් ගන්න චක්කරේ

(රිවිහාර පින්නදුව)


Wednesday, September 21, 2016

මං ඉපදිලා තියෙන්නෙ උන්ට ලාභ හොයල දෙන්න


මං ඉපදිලා තියෙන්නෙ

උන්ට ලාභ හොයල දෙන්න


මං ඉපදුණේ පුද්ගලික රෝහලක
අම්ම ලෝන් එකක් දාලයි
ගෙවල තිබුණෙ ඒකට
මොළේ වැඩෙන්න
අහවල් දේ තියෙන
කිරිපිටි පැකට් ගන්න
බැරිමරගාතෙ තාත්ත  ඕටී කරලයි
ගෙව්වෙ ඉස්කෝලෙට
අපේ වෙඩින් එක
අර ටීවී එකේ පෙන්නුව විදිහට
ෆොටෝ ෂූට් සෙටි බැක්
නහුතයක් දේවල්
තාම අපි ණය ගෙවනවා
හරිම සන්තෝෂයෙන්
ලොකු ගෙයක් හදන්න
හොද කාර් එකක් ගන්න
මහන්සියට ටිකක් නවතින්න
ඉඩක් නෑ ජීවිතේ
වස උනත් කන දේ
හිතන්න එපා කන්න
ලෙඩ උනාට භයවෙන්න එපා
අත ළගම ඉස්පිරිතාලෙ
සල්ලි ගෙවන පරක්කුවට
බෙහෙත් දෙන හිත පිරෙන්න
මරණයත් ලස්සනට තියෙන්න  ඕනෙ
හොද මිනී පෙට්ටියක් එහෙම
අන්තිමට ජීවිතේ
හර බැර කරල ගත්තම
අපි ඉපදිලා තියෙන්නෙ
උන්ට ලාභ හොයල දෙන්න

(රිවිහාර පින්නදුව)